"Sulat Para Sa'yo"
July 29, 2012
01:02 Am
Mahal, Nakauwi kaba ng maayos? salamat sa pagsama sa'kin kumain kanina, nabusog ako. makita lang kitang nasasarapan sa kinakain mo masaya na ko. kahit laging ako ang pinagbabayad mo -- Okey lang 'yun! alam mo namang mahal kita eh, ayokong pinagugutuman ka, hindi baleng maubos pera ko lumaki lang tiyan mo! diba 'yan naman ang gusto mo, para na nga kitang alagaing baboy, kulang nalang ay katayin kita ng mapakinabangan.
Alam mo, sobrang saya ko ngayon, kasi iniwan mo nanaman ako matapos pagbayarin sa lahat ng inorder mo, pati pala bisyo mong yosi sagot ko! sana noong una palang ay na-inform na ako agad na sponsor pala kailangan mo -- Hindi boyfriend!
(This is an original work by Moises R. Baltazar. For more stories from this Author, please visit mrbdiaries.blogspot.com)
Nakakatuwa lang isipin, na sa sobrang kakapalan ng mukha mo ay kahit katiting na pasasalamat ay wala akong naririnig mula sa'yo, kailangan lang siguro kitang intindihin baka kulang pa ako sa pag-unawa sa'yo, mahal sana masaya ka tuwing ginagatasan ako, sabihin mo lang kung hindi pa sapat binibigay kong allowance sa'yo, babawasan ko muna savings ko para may pang load ka sa lalake mo!! kawawa naman baka hindi na kasi siya makapagreply sa mga super sweet mong messages sa kanya na ni minsan ay hindi mo nasabi o nabulong manlang sa akin.
Mahal sorry kung next month ko pa mabibigay 'yung New iPAD na hinihiling mo sa'kin, alam ko luma na yung brand new iPAD na binigay ko sa'yo 2months ago sana maintindihan mo na medyo kapos ako ngayon, pag-iipunan ko parin Kasi 'yung wristpad na ireregalo ko sa'yo sa anniversary natin, diba gusto mo 'yun? nakita kasi kita na tinitignan mo 'yun sa cyber zone, konti nalang mabubuo ko na rin 'yung pambili, alin ba gusto mo doon? 'yung black o 'yung silver?
(This is an original work by Moises R. Baltazar. For more stories from this Author, please visit mrbdiaries.blogspot.com)
Mahal sorry kung nagalit ka sa'kin kanina, promise hindi ko na uulitin, ikaw naman kasi hindi mo kaagad sinabi sa'kin na winidraw mo pala yung P17,000 sa savings ko. nabigla lang talaga ako.. SORRY kung nasigawan kita!! promise hindi na mauulit!! SORRY TALAGA! saan mo ba gagamitin 'yung pera? papakabitan mo ba ng bagong stereo yung motor na binigay ko sa'yo na ni minsan ay hindi ko nakitang ginamit mo, binigay ko iyon kahit alam kong hindi ka marunong magdrive kasi ni request mo. Sino nga pala gumagamit 'nun?
Nga pala, next week ko na ibibigay yung hinihingi mong pera ah. pambabayad mo ba 'yun ulit sa tuition ng lalake mo? Graduating na pala siya diba? okey lang naman sa'kin iyon! sana maintindihan mo ako, basta lagi mong tatandaan na MAHAL NA MAHAL KITA! nandito lang ako para sa'yo, kung kailangan mo ng pera,just call me, idedeposit ko sa account mo!
Sana wag kang magselos 'dun sa ex kong text ng text sakin, medyo masakit pa kasi itong kaliwang pisngi ko ng bigla mo akong sinampal dahil lang sa sinagot ko 'yung tawag niya.
Kagabi nga hindi ko pinapahalatang nagseselos ako, kasi mayroon akong tiwala sa'yo. noong nakita ko kayong sweet na sweet sa sofa ni Pareng Jayson, may narinig kaba sa akin? naniwala ako agad sa sinabi mong mas mahal mo ako!
Sa totoo lang, naguguluhan ako ngayon, sana mapatawad mo ako, kasi pinaghihinalaan ko kayong dalawa ng kumpare ko, sasusunod kasi kapag napuwing siya, sa mata mo ihipan hindi sa bibig!! mapatawad mo sana ako. MAHAL NA MAHAL KITA!!
Nagmamahal,
MRB.
