TGP – Anniversary
One Venue! One Celebration!
Kaka-log out lang ng facebook account ko, ilang buwan na rin akong tambay lang sa bahay matapos gumradute sa college nitong taon ring ito (2011) kaya ngayo`y inuubos ang oras sa kaka-internet. habang naka-online kanina ay hindi ko maiwasang hindi tignan at i-download ang mga lumang larawan kung saan pare-parehas kaming mga naka-pula; may iisang desenyo at pagkaka-imprenta ng damit; sa kaliwang manggas nakasulat ang salitang “UST” at sa kanan naman mababasa ang “PMI”, sa harapan makikita ang gintong utos na mariin naming sinasapuso; “Treat others as you would have them treat you..” lahat ng letra ay pareparehong naka-imprenta sa kulay dilaw na tinta at may font style na “Old English Text MT” habang sa likuran naman nakalagay ang salitang “PALMERA COMMUNITY CHAPTER” kasunod nang aming logo. Na-inspired tuloy akong magsulat matapos itong masilayang muli.
(This is an original work by Moises R. Baltazar. For more stories from this Author, please visit mrbdiaries.blogspot.com)
Makikita sa larawan ang mga mukhang hindi kakikitan ng ano mang bahid ng kalungkutan, animo`y sobrang espesyal na araw dahil lahat ay masayang pinagdiriwang ang ika-apat'napo't dalawang anibersaryo ng aming kapatiran – ang Triskelion Grand Fraternity. Kinunan ang lahat ng mga larawang ito `nung October 04, 2010. ang pinaka-sagradong okasyon ng mga tunay na lion, masasabi kong isa iyon sa mga pinaka masayang kaganapan sa aking buhay – ang makilala at makamayan ang mga Brod at Sis na nagmula pa sa iba`t ibang panig ng pilipinas, national reunion ika nga! Pero bukod pa roon ay nakatutuwa ring gunitahin ang mga sandaling papunta palang kami sa 'Cuneta Astrodome' kung saan ginanap ang event, sakay ng pampasadang jeep – dalawa ang inarkela namin dahil masyado kaming marami kaya hati sa dalawang grupo kaming naglakbay habang pinagsasaluhan ang pabago bagong bugso ng panahon. Blessing ang ulan, sinabayan nalang namin ng malakas na pagsigaw ng; “Ariba! Ariba! Ariba TAU GAMMA!!” ng paulit-ulit hanggang sa mapaos kami parepareho.
Dahil sa layo ng biyahe, hindi maiiwasang hindi tumirik ang aming kakarag-karag na sasakyan, dahilan para lumabas ang ilan upang itulak ito – awa ng four founding fathers, after 1968 years ay nakarating rin naman kami ng maayos at naka-abot pa bago magsimula ang opening prayer, maganda rin naman ang puwesto namin sa bandang itaas.. medyo napa-iyak pa nga ako ng sama-sama na kaming umaawit ng 'Triskelion Song' samahan pa nang sabay-sabay na pagpalakpak ng kamay.
TGP 42nd Aniv.
“One Venue! One Celebration!"
Sampung buwan na ang nakararaan mula nang araw na iyon, napakarami naring mga hindi inaasahang pangyayari ang naganap, kaya nga heto ako ngayon at muling binabalikan ang nakaraan. Tanging ang pagluha nalang ang maaari kong magawa sa pagkakataong ito, sino bang may gustong malayo sa mga mahal niya sa buhay? `Diba wala naman? parang ganoon rin ang sitwasyon, kaya nalulungkot ako dahil hindi na mababalik sa dati ang lahat, isa nalamang itong masayang alaala ng kahapong lumipas.
(This is an original work by Moises R. Baltazar. For more stories from this Author, please visit mrbdiaries.blogspot.com)
Napansin niyo bang naiiba ang frat-shirt namin? – simple lang at kulay pula pa, kadalasa'y itim ang ginagamit ng ilan kaya hindi na namin ginaya, masyado na kasing maraming ganun! Kahit sino nalang nagsusuot ng frat-shirt na itim, minsan nga napapa-isip ako kung bakit kaylangan ganoon , required ba `yon? Kasi napansin ko sa loob ng Cuneta Astrodome karamihan ay naka-itim, mayroon rin namang mga Chapter na nakasuot ng pula gaya namin at meron ring mga iilang naka kulay puti. Pero `diba dapat masayang pinagdiriwang ang Aniv kaya mas appropriate kung red. Pero sabagay, kanya-kanyang style naman `yan.
Dalawang buwan nalang ay nalalapit na ang 43rd Anniversary.. Sana`y magawa kong makabisita sa Palmera kahit hindi na ako active. Nasa puso ko parin naman ang pagiging Triskelion. Hindi na iyon magbabago kahit kailan!
01:22 Am – August 03, 2011
Related Post: Pitong Lion (Buhay Triskelion)
comments
